Hans's profileHans' Cantonese SpacePhotosBlogListsMore  |  Tools Help |
|
|
April 22 2008年4月21日 终于终于终于解禁啦
今日係我重获自由嘅第一日，好开心好好玩啊，梗係要冲出去跑下啦！！！
我好少用三个连埋一齐嘅叹号架，睇嚟真係太兴奋啦，终于自由啦，终于可以呼吸到出面嘅新鲜空气啦，weekend终于可以无忧无虑噉瞓番觉好嘅啦，太多终于可以啦，真係讲都讲唔晒，救命啊，我又开始外星啦。之前星期日仲同一个人讲紧关于自己厌世嘅问题，仲同一个人讨论紧我都差唔多冇咗定义嘅朋友嘅定义嘅问题，嗰阵时个人真係比较灰，睇嚟我又要揾我可爱嘅大海求救啦，好在啱啱好今日就解禁啦，太感激啦。
出去跑之前仲重温咗部分Eason Get a Live 06 Hong Kong嘅部分片段，整到个人更加high到无伦，跟住就同两个最近比较好嘅人一齐出去跑啦，high过头，一支箭冲咗上山跟住又唔停噉跑番落嚟，跑到最后到海边嘅时候发觉个肺已经有少少hurt唔係好顶得顺。睇嚟三个星期冇跑过步个人真係退化唔少，我要控诉嗰个万恶嘅死人光头怪！仲想跑去嗰条栈桥嘅尽头添架，太冲动啦，跑唔落去咪唯有瞓喺一张海边石凳上面摊尸啰，点知噉就畀我发现咗一个睇呢个世界嘅新角度啦，虽然张凳之前畀太阳晒咗一日已经好热好热啦，但係瞓喺上面就係会有一种唔係好识形容但係就係好舒服嘅feel，瞓到我都唔想走啦。最后就畀个人夹硬扯咗起身一齐慢慢行过去栈桥嗰边啦，今日真係连个天都同我一齐开心埋一份，一路喺海边都好好风，行到去栈桥出面仲越嚟越大风添，整到我坐喺围栏上面又唔想走啦，今次仲要畀两个人夹硬押咗返去。发觉自己真係太耐冇出嚟发泄过啦，忍唔住又大嗌啦，嗌到上scream，真係太released啦，不过似乎我除咗大声唱歌之外每次嗌都係scream架啦。
一路行返去到到食饭，三个人一堆gossip八极都八唔完，最后encore到九点都仲未讲得晒，但係要做功课啦，乞人憎嘅无聊功课，我憎死你哋！ April 19 2008年4月19日 寻日发生
讲下寻日发生嘅事。
十二点几终于开始整Okinawa嘅presentation，唉，又係唔到最后关头都唔做嘢，冇得点样精心准备，就唯有交行货啦。左搞右搞加埋冲凉整到五点n先训，跟住七点到又要起身赶校车啦，有啲神经衰弱，不过上个星期五都係咁晏，赶listening portfolio。。。
喺间空调房入边咁嘅着装牺牲唔细架
个presentation内容大路嘅话就自然要做多啲噱头啦，跟住就同我个partner一齐人字拖加鲜艳短打上阵啦，再黐线到一人箍只游水眼镜喺颈度，虽然同海岛feel其实唔係太match，点讲都好，抢镜嘅噱头嗟。内容冇乜就形式补够，开头整咗个识得自动喐嘅Google Earth，收尾再加段自己做嘅视频，不过讲起视频就郁闷啦，个死人movie maker次次都係一到发布就冇反应，整到要直接喺movie maker自己嘅制作界面上面度播，尴尬得嚟仲要整到个presentation冇晒整体感。当然，中间嘅PowerPoint亦都係一个好重要嘅环节，特别係当你发觉做呢啲presentation根本就唔会有咩人会去认真咁听你讲嘢嘅时候，PowerPoint真係会帮到你唔少，而且我真係听到有人喺下面嗌咗声“哗，好靓啊”，突然间就好有满足感啦。讲真，我自己都觉得嗰张封面真係做得好吸引。再自我陶醉少少讲句，power point嘅设计不嬲都係我嘅强项，而且慢慢慢慢开始啲同学多开始认得出我嘅“个人风格”啦。临放学嗰阵Joe将嗰次presentation嘅evaluation form发番畀我哋，佢话我very good intro! good slides, good enthusiasm啊，而且仲话我哋both put a lot of effort into this good添，突然间好有满足感啊，但係心入面有觉得好似呃咗佢咁，事实上我哋只不过係花巧嘢多啲嗟，除咗之前嗰晚嘅半通顶之外真係冇乜effort啰。仲有个地方一直都比较不解，其实由于时间问题，我係基本上冇点背过稿嘅，上去讲嘢嘅时候唔係唔记得稿要疾两下就係靠自己印象同埋PowerPoint上面嘅clues吹到离天隔丈远，佢竟然仲话我a little rush窝，难以理解。
好在之前将Kobukuro嗰只5296录咗入部电脑度，如果唔係霎时间都唔知去边度揾到歌嚟配嗰段视频，而且佢哋嘅超强日本feel同段视频真係太夹啦，嗰首《风中》同到最后终于成功将嗰班游魂嘅衰人嘅注意力拉番返嚟，算係一个唔错嘅结尾啦，不过就係少咗个thanks类嘅字幕就畀Joe话我哋嘅ending唔够smooth啦，唔抵啊。呢几日听番Kobukuro，真係觉得佢哋嘅歌好好听啊，又有啲想学日文啦。点算好啊，宜家仲要自我陶醉到喺自己嘅目的地列表上面又加多咗个Okinawa，又想揾个暑假去住番轮啦，要去嘅地方太多啦，可惜又冇钱又冇自由。
嘥咗个下昼之后返到宿舍离奇地觉得唔想瞓，好啦，继续上网啦，点知个黐线网又唔生性，硬係连唔上线，郁闷，仲要畀出面把老牛声加guitar嘈生晒，嬲嬲地就一个人冲咗出去哨啦，而且我仲关紧禁闭添窝，不过唔理啦，点都要出去透下外边嘅新鲜空气。太耐冇出过去啦，竟然一个人都极之high，傻傻地过马路仲过到差啲有生命危险，睇嚟真係与世隔绝太耐啦，连过马路都可以唔记得嘅，而且太冲动啦，真係少有。一个人出去效率真係太高啦，一阵间就搞掂晒要做嘅嘢，充ezlink，攞钱，去超级市场买嘢，简简单单，一阵就搞掂，突然发觉有时一个人真係唔错，好似咁样嘅weekly出街其实真係唔係好需要人陪。跟住又开始奇怪啦，唔知点解从返去开始就一直不自觉咁心理暗示自己一个人唔错啦，救命，宜家挣扎紧一个问题，我应该希望咁样嘅reminds对自己有用定係冇用呢？返嚟嘅路上撞到几个SM3，嗰条友又话我似林丹啦，感觉比较唔知点讲好，颇不解，跟住得个傻笑，佢仲话终于见到林丹笑啦，揾到个钟意笑嘅林丹窝，比较救命啰，不过突然间有个谂法，如果我可以似到林丹嘅高度就好啦。。。 April 14 2008年4月14日 部分仅供自己睇得明太耐冇写过嘢啦，亦都太多嘢要记低啦，应该从边度开始？
近期大家嘅blog都静咗。
签report签到同un高aunD熟晒。
Google Earth广州部分更新啦，市区换咗张相，南沙都有清晰图像啦。
我要买部好劲好劲嘅相机，返广州影到够为止，如果暑假嗰十八日揾唔到乜嘢好做就净影相，乜都唔理。
发觉喺广州miss咗唔少嘢。
闻到支off嘅味道，突然间返番去十二月。
鬼婆Christine喺班度帮手宣传SEPO。
健康啲啦。
搬咗张书台入房，黐住张床，谂住唔使俾人烦，但係其实佢哋要干扰你嘅话，你係点避都避唔到嘅，你都知佢哋嘅威力。。。
入边好局。
话效率高咗似乎有少少自欺欺人，只不过係可以安静少少坐低嘅时间长咗。
Final嘅worksheet同lesson plan，俾Christine嘅翻译，SEPO嘅proposal，Integrated嘅阅读，省实嘅研学。。。
对佢哋好失望。
Host family，微冷。
失重。
竟然趴喺张台度就训着咗。
喺张台度训到8点，冲个凉，上床继续，竟然训过咗两次report时间，竟然补番就乜事都冇，Uncle好人就係唔话得。
啲死人头发一长番少少就开始黐晒线乱咁飞，好烦啊！
其实office嗰五个人都好好，as long as Miss Tan同Un高 Patrick唔变态。
宜家佢哋个个都识得我啦。
好想唱K，好想睇戏。
对个黐线网甘拜下风。
点样从中东返嚟Singapore？
我要从良！！！ April 05 2008年4月5日 Roommate今日中午其他人出晒去食饭，剩得我一个人喺宿舍，难得嘅安静啊。
虽然平时喺出面做乜都想有多个人一齐，但係好奇怪嘅係，喺宿舍我係几乎几时都好想一个人个窝，我係真係颇enjoy呢种一个人嘅安静个窝，喺宿舍，其实。可能我平时夜晚唔愿训会有一部分係因为呢个原因挂，一个人霸住个厅嗰只feel太好啦。
前几日有人收到料话我哋下个学期返嚟嘅时候会重新分房，但係唔係坚料就难讲啦，而且好多人听到之后都唔係咁赞成，到时有冇可能重新分房就更加难讲啦。不过我有时会觉得呢个可能会係一个好消息，特别係夜晚想静静唔到最烦最烦嗰阵时。但係有时静落嚟谂下，你宜家就成日complain话乜嘢cultural shock，乜嘢有时大家嘅各方面习惯会唔夹，但係你保证到你可以分去一间好好嘅宿舍咩，而且你唔钟意，人哋都会唔钟意嘅嗟，大家都互相包容下就冇事啦，何况你要complain嘅嘢又唔係一日廿四小时都持续嘅，忍忍佢就过啦，一年时间真係好短架咋。咁谂嘅话其实我哋宿舍都算OK架啦，起码大家都仲係好融洽好和谐，而且唔会好邋遢，虽然比较乱。
讲讲下就又谂翻起8126啦，虽然只係一齐经历咗高一一年，但係大家都玩得好熟好开心，唉，分开咗之后先识得珍惜，太迟啦。
最后有个问题，喺sm2入边，roommate呢种关系係咪真係话有就有，话冇就冇架啦？
讲到最尾最尾，其实我仲係好希望好希望可以揾到一个好好好好嘅roommate架。 April 04 2008年4月4日 我要开始positive啦
呢几日10届嘅senior个个都喺度忙紧拣专业，突然间好羡慕佢哋啊。
其实应该係一直都几羡慕佢哋，我係一直都觉得佢哋10届嘅人会玩得比我哋high好多，而且觉得佢哋之间都好friend，唔似我哋宜家咁尴尬（我都唔识形容啦，不过突然间谂到尴尬呢个词，唔错，好准确），起码广东嘅情况就係咁。以前次次同senior讲话我哋呢届嘅人都唔知点嘅，唔知点解成日会觉得人与人之间嘅关系似乎都好淡好淡，唔似得佢哋，senior都会话係时间问题，但係我哋嚟到Singapore都算有四个月啦，情况就似乎一直都冇点变过。或者应该咁讲，表面上人係会熟咗，至少都识多咗人啦，但係就一直都会觉得呢种“友情”或者剩係关系其实颇fragile嘅，好多情况下都係同咗个人打招呼都唔知嗰个人叫乜名，有啲係大家都知道名，但係有时迎面行过，如果唔係撞口撞面嘅都未必会打声招呼嘅。唉，人情薄过张纸。不过一直都觉得最好嘅friend係真係冇乜可能会喺Singapore或者SM2里边识嘅，起码我对我高中初中嘅老死们係一直都好devoted嘅。而且我仲有唔少借口：我係天蝎座嘅；我要学识孤独（至少独立）；唔钟意嘅人做乜一定要扮熟；friend唔使多，有一个都已经係好多啦，有时识得越多人反而会觉得越孤独，如果呢啲你识嘅人入边冇一个可以算係你嘅friend嘅话。。。呢啲都係事实，唔係借口！！！係啰，做乜要做嗰种周街见到人都打下招呼嗰种人嗟，咁样人哋就会话你好威啦咩，唔觉得窝，你又唔係交际花。而且讲真，真係唔多想同佢哋做friend，嗰啲cultural shock真係颇顶唔顺，忍得埋呢一年就已经唔错，横掂宜家对于某啲人我已经比较相对地自我封闭啦，包括sometimes宿舍，入大学之后一定要申请一间单人房！senior啊！
做乜讲讲下又变咗complain嘅，返正题啦。宜家一直上紧无聊到极致嘅bridging course，喺宿舍又捭啲忽然无聊人管住晒，仲要捭人变相掠走半份粮，睇住班senior就嚟脱离苦海，再谂起自己仲要涯多年就想即刻变大一届啦，不过算啦，谂下就算。呢两日顺便揾咗个NTU嘅senior八咗下一啲专业嘅嘢，后嚟发现其实喺NTU入面，仲係可以发掘到一啲自己感兴趣嘅专业嘅。一直都颇想入嘅maritime今年多咗个海事与经济（个senior讲嘅，唔知英文係乜），然后发现自己似乎对数学与经济嗰个double degree都几感兴趣下，点解我钟意亲嘅专业都要咁难考，见到自己宜家咁嘅成绩就心寒啦。之前open house嗰阵都八咗唔少嘢返嚟，仲揾到啲自己觉得有啲兴趣嘅嘢，好似mechanical engineering入边嗰个manufacturing system engineering嘅方向，仲有EEE同Wee Kim Wee合办嘅一个类似信息传播之类嘅专业。其实以后可以选择嘅方向都唔少架，睇下到时用英文将数理化生基本上全部重新学一次之后会唔会对bio，chem或者computing感兴趣啦，如果咁谂嘅话，其实我哋嘅选择都算唔少架啦。开始对以后喺NTU嘅未来有返啲信心，係啰，我要开始positive啲啦，要开始认真读书啦。
好想变大一届啊。 April 02 2008年4月2日 点都要写JC总算係完咗啦，SEPO嘅第一波活动亦都告一段落啦，好多嘢come to an end，又有好多嘢开始涌埋嚟。
功课啊,几时都係呢样嘢最攞命，三场presentation，一篇response，五篇listening portfolio，一篇article explorer，大概係咁多啦挂，黐线架！不过呢啲嘢冇乜好赖人嘅，唯有怨自己啲死人坏习惯改唔到啰，捭足三个星期你做你就係都要攞晒嚟蹝，唔到最后嗰日都唔识得去急，一日到黑剩係识得临急抱佛脚，好啦，今次睇你点赶（死啦，写写下写埋阿妈嗰句添，挂住佢挂）。唔想再讲功课啦！
点解啲嘢次次都係一唔係就唔嚟，一唔係就全部一齐嚟晒架，好烦啊，整到我呢两个星期都冇乜机会写低啲嘢，成日都好似miss咗啲乜嘢咁。今日无论如何都要写嘢！其实宜家已经3点n啦。。。
终于唔使再神五咁早就起身赶校车去VJ啦，终于唔使捭人隐形加参观啦，终于唔使对住嗰个都唔知係唔係buddy嘅buddy啦，谂起就心情兴奋啦。但係一赶起功课，一返到NTU就突然开始觉得JC嗰两个星期其实都唔算太差啦，起码唔想上课钟意就去图书馆训觉（其实最后嗰几日係基本上冇上过课嘅），上课嗰阵时横掂都係隐形嘅，钟意做乜都得，特别係上lecture嘅时候就更加乜都唔使理啦，过咗一点就可以走啦，钟意去边都得，返嚟宿舍上网上到都唔知有乜好睇嘅地步。。。宜家返返NTU就冇呢支歌仔唱啦，啲课无聊极都要上，上课又冇得训，基本上训亲都会捭个tu发现，宜家啲lecture又未开始上，日日上到五点半仲要同班断抢咁嘅人逼车返，返到嚟整呢样整嗰样都冇乜时间认真上下网，要认认真真写少少嘢就更加冇可能啦，可悲。
SEPO第一波，Earth Hour喺一个颇奇怪嘅气氛下byebye咗啦，虽然作为主持觉得出咗丑，但係点都喺我哋几个人喺4日时间内一手一脚搞出嚟嘅，真係唔错啦，出丑冇所谓，有满足感就乜都返晒嚟啦，嗰晚我哋第二届SEPO maincom吹咗成晚水，吹到12点。通过呢几日嘅合作同埋嗰晚嘅吹水，大家又熟咗唔少啦，我对我哋嘅未来充满信心！
应该算係寻日啦，嗯，我寻日又迟到啦，好可恶啊，幢喺部尾班车隔离嗰个死变态Uncle Pregnant明明见到我落楼架，一个唔该，等我tap完out之后都仲未行出宿舍就见到佢已经送走咗部车返咗入嚟啦，最抵死嘅係佢仲够胆死行埋嚟问我一句：“你是不是迟到了？”我乜都唔想讲啦，自己去搭30啰，不过今日颇有搭车运，30同埋179都係我一到站就撞到有，等都唔使等，连返嚟搭校车嗰阵都係，而且唔使逼。搭到返入NTU喺Lee Wee Nam落车嗰阵时已经过咗9点啦，本嚟谂住喺Canteen A度食餐难得嘅早餐再等到10点到就慢慢行过去上课嘅地方然后等佢break time嘅时候鼠入去嘅，点知喺Canteen A啱坐落掉低个袋就即刻收到个同学嘅短讯话个tu突然间睇咗眼名单然后仲突然间发现我冇到，唯有快快脆脆返去自首啦，无奈，好在个tu係出咗名嘅好人嗟，应该唔会出大事。
终于开始关禁闭啦，仲有三个星期，慢慢等等做下宅男啦，不过宜家对宅呢个字好反感。关禁闭话就话可以帮手悭钱，但係我就点都觉得会更加烧钱，就係一前一后嗰几日，一唔洗钱就身痕，专门烧钱喺啲唔等使嘅地方度，上个weekend就係啦，一个唔该，一堆忍手好耐冇买嘅零食（Loacker，Meiji，Merci。。。），嗰支等咗好耐嘅Sebamed，仲有一支配套嘅conditioner，一件Pull ＆ Bear（好在嗰件NUM够贵，唔舍得买）。。。到寻日先发现原嚟寻日先至係4月1号咋，3月中发嘅嗰次人工係寻日先开始计架，死啦。
冇得出街啦。 |
|
|
